Moi Jetia Ei Jibonor (মই যেতিয়া এই জীৱনৰ) Lyrics | Bhupen Hazarika

Moi-Jetia-Ei-Jibonor-(মই-যেতিয়া-এই-জীৱনৰ)-Lyrics-Bhupen-Hazarika

Singer	Bhupen Hazarika
Singer	Bhupen Hazarika
Music	Bhupen Hazarika
Song Writer	Bhupen Hazarika

মই যেতিয়া এই জীৱনৰ

মায়া এৰি গুচি যাম,

আশা কৰোঁ মোৰ চিতাৰ কাষত

তোমাৰ সঁহাৰি পাম।

নালাগে মোৰ সোঁৱৰণী সভা

নালাগে মিছা নাম

তোমাৰ এটুপি চকুলো পালেই

মই পাম মোৰ দাম।।

মই যেতিয়া এই জীৱনৰ

মায়া এৰি গুচি যাম,

সমূহৰ বাবে গীত গাই গাই

তোমাক পাহৰি গʼলোঁ

সেয়েহে হ’বলা ভৰ জীৱনতে

তোমাকো হেৰুৱালোঁ।

এই ক্ষোভে মোক দহিছে আজিও

শান্তি ক’তেনো পাম

তোমাৰ এটুপি চকুলো পালেই

মই পাম মোৰ দাম

মই যেতিয়া এই জীৱনৰ

মায়া এৰি গুচি যাম,

(মোৰ জীৱনৰ সংগ্ৰামখিনি

মই ফঁহিয়াই  চালে পাম)2

তুমি নিদিয়া মৰমখিনিতে

আছিল সৰগী ধাম।

এই সৰগী ধামখনি মই

তোমাৰ বুকুতে পাম

তোমাৰ এটুপি চকুলো পালেই

মই পাম মোৰ দাম।

মই যেতিয়া এই জীৱনৰ

মায়া এৰি গুচি যাম,